குங்குமம் தோழி இதழில் ஸ்டார் தோழியாக நான்!

kungumam star thozhiஇன்று ஒரு மகிழ்ச்சியான நாள்.

மூன்றாவது முறையாக ஒரு பத்திரிகையில் என்னைப் பற்றி வந்திருக்கிறது. முதல்முறை வந்தபோது இருந்த அதே சந்தோஷம், கட்டுக்கடங்காத பெருமிதம் இன்றைக்கும்!

அவள் விகடனில் வலையரசி என்றும், அமெரிக்காவிலிருந்து வரும் தென்றல் பத்திரிகையில் வளைக்கரங்கள் பகுதியிலும் எனது வலைப்பதிவுகள் பற்றி வந்தது.

எனது எழுத்துக்களுக்கு உற்சாகம் கொடுக்கும் பத்திரிக்கைகளுக்கு எனது நன்றி!

குங்குமம் தோழி இதழ் ஆசிரியர் திரு வள்ளிதாசன் அவர்களுக்கு ஒரு ஸ்பெஷல் நன்றி!

 

 

 

 

செல்வ களஞ்சியமே மூன்றாவது மின்னூல்

selvakalanjiyam

 

எனது வலைப்பதிவில் மட்டுமே எழுதி வந்த நான் பிற வலைத்தளங்களுக்குச் சென்று கருத்துரை கொடுத்துவிட்டு வருவேன். அப்படி தொடர்ந்து நான் சென்ற தளம் நான்குபெண்கள்.காம். வித்தியாசமாக ஏதாவது செய்யவேண்டும் என்ற எண்ணம் அவர்களிடம் இருந்தது. எந்தப் பதிவாக இருந்தாலும் அதைப் புதுமையாக செய்து வந்தார்கள். உங்கள் பாணி நன்றாக இருக்கிறது என்று ஒருமுறை கருத்துரை சொன்னபோது ‘உங்களைப் போன்றவர்கள் எங்களுடன் கைகோர்த்தால் இன்னும் பல விஷயங்கள் செய்யலாம்’ என்று நான்குபெண்களிடமிருந்து பதில் வந்தது. ‘சரி சொல்லுங்கள், என்ன செய்யவேண்டும்?’ என்று கேட்டபோது, எங்களுக்காக குழந்தை வளர்ப்புத் தொடர் எழுதுங்கள்’ என்றார்கள். அப்படி எழுத ஆரம்பித்ததுதான் இந்தத் தொடர். குழந்தையை அப்படி வளர்க்க வேண்டும், இப்படி பார்த்துக்கொள்ள வேண்டும் என்று வெறும் ஏட்டுச்சுரக்காய் மாதிரி இல்லாமல், என்னுடைய, எனது தோழிகளின் எங்கள் வீட்டுப் பெரியவர்கள் சொன்னது என்று எல்லாவற்றையும் கலந்து எழுதியது இந்தத் தொடரின் வெற்றிக்குக் காரணம் என்று சொல்லலாம்.

 

இந்த முதல் புத்தகத்தில் பெற்றோர்களுக்கும் பயன்படும்வகையில் பலவற்றைச் சொல்லியிருக்கிறேன். வேலைக்குப் போகும் பெண்கள், குழந்தை வளர்ப்பில் ஆண்களின் பங்கு, குழந்தையின் பேச்சுத் திறன், இளம் குழந்தைகளுக்கு ஏற்படும் காதுகேளாமை என்று பல விஷயங்களையும் பேசியிருக்கிறேன்.

 இதன் அடுத்த பகுதி விரைவில் வெளிவரும் மின்னூலாக.
பதிவிறக்க இங்கே கிளிக் செய்யவும்  செல்வ களஞ்சியமே 
திரு ஸ்ரீநிவாசன், திரு மனோஜ்குமார், திரு சிவமுருகன் இவர்கள் எல்லோருக்கும் எனது மனமார்ந்த நன்றி.

 

மின்தமிழ் இலக்கியப் போட்டி முடிவுகள்!

போட்டி முடிவுகள்

வகை (1) கணினியில் தமிழ் மற்றும் அறிவியல் போலும் பிறதுறை வளர்ச்சி குறித்த கட்டுரைகள்

முதல் இடம்
திருமிகு முனைவர் துரை.மணிகண்டன் – மாயனூர், கரூர் மாவட்டம்
26. →தமிழ்-இணையத்தின் வளர்ச்சி

இரண்டாம் இடம் (இருவர்)
திருமிகு முனைவர் த.சத்தியராஜ் – கோயம்புத்தூர்
14. →கணித்தமிழ் வளர்ச்சியில் வலைப்பூ

திருமிகு P.S.D.பிரசாத் – சென்னை
16. →கன்னித் தமிழ்வளர்ப்போம் கணினியிலே

மூன்றாம் இடம்
திருமிகு வி.கிரேஸ் பிரதிபா – அமெரிக்கா
18. →கணினி முதல் மேகப் பயன்பாட்டியல் வரை


வகை(2) சுற்றுச்சூழல் விழிப்புணர்வு குறித்த கட்டுரைகள்
முதல் இடம்
திருமிகு எஸ்.பி.செந்தில் குமார் – மதுரை
13. →இருட்டு நல்லது..!

இரண்டாம் இடம் (இருவர்)
திருமிகு பி.தமிழ் முகில் – கனடா
03. →நெகிழி பயன்பாட்டினால் விளையும் தீமைகளும் அவற்றிற்கான தீர்வுகளும்
திருமிகு கீதா மதிவாணன் – ஆஸ்திரேலியா
05. →கான் ஊடுருவும் கயமை

மூன்றாம் இடம்
திருமிகு கோபி சரபோஜி – சிங்கை
10. →கண்ணை விற்றா சித்திரம் வாங்குவது?


வகை(3) பெண்கள் முன்னேற்றம் குறித்த கட்டுரைகள்
முதல் இடம்
திருமிகு காயத்ரிதேவி – கன்னியாகுமரி
10. →இதுவும் தப்பில்லை

இரண்டாம் இடம்
திருமிகு ரஞ்சனி நாராயணன் – பெங்களூரு
   39. →புறஅழகு உன் முன்னேற்றத்திற்குத் தடையில்லை! முன்னேறு! பெண்ணே, முன்னேறு!

மூன்றாம் இடம்
திருமிகு இரா. பார்கவி – அமெரிக்கா
04. →உன்தடம் மாற்றிடு தாயே!


வகை(4) புதுக்கவிதைப் போட்டிக்கு வந்த படைப்புகள்
முதல் இடம்
திருமிகு மீரா செல்வகுமார் – புதுக்கோட்டை
40. →சின்னவள் சிரிக்கிறாள்

இரண்டாம் இடம்
திருமிகு இரா.பூபாலன் – கோயம்புத்தூர்
69. →பதுங்கு குழியில் துளிர்க்கும் செடி

மூன்றாம் இடம்
திருமிகு வைகறை – புதுக்கோட்டை
27. →உதிர்ந்து கிடக்கும் சாம்பல்


வகை(5) மரபுக்கவிதைப் போட்டிக்கு வந்த படைப்புகள்
முதல் இடம்
திருமிகு ஜோசப் விஜூ – திருச்சிராப்பள்ளி
20. →புறப்படு வரிப்புலியே

இரண்டாம் இடம்
திருமிகு மகா.சுந்தர் – புதுக்கோட்டை
25. →விரைந்து பாயும் விண்கலம் நீ!

மூன்றாம் இடம்
திருமிகு கருமலைத் தமிழாழன் – கிருஷ்ணகிரி
02. →கனவுகளும் நனவாகும்


விமரிசனப் போட்டி
முதல் இடம்
யாருமில்லை

இரண்டாம் இடம்
திருமிகு கலையரசி ஞா – புதுச்சேரி

மூன்றாம் இடம்
திருமிகு துரை. தியாகராஜ் திருச்சிராப்பள்ளி
வகை(4) புதுக்கவிதைப் போட்டிக்கு வந்த படைப்

வந்தது விருது!

versatile-blogger

 

 

மூன்று நான்கு மாதங்களாகவே வீட்டில் ஒருவர் மாற்றி ஒருவர் உடல்நலக்குறைவால் பாதிக்கப்பட்டிருந்தனர். மனம் உடல் இரண்டுமே சோர்ந்திருந்தேன். மாதப்பத்திரிக்கையில் வெளிவரும் எனது கட்டுரைகளைப் போடுவதுடன் சரி. வலைத்தளத்தில் வேறு எதுவும் எழுதவில்லை. மற்றவர்களின் வலைத்தளத்திற்குப் போகவும் இல்லை. சோர்வு, சோர்வு, சோர்வு!

 

அப்போது ஒரு அறிவிப்பு வேர்ட்ப்ரெஸ் தளத்தில். ஆமருவி என்பவர் எனது about பக்கத்தில் கீழ்கண்டவாறு அறிவித்திருந்தார்.

Hi – I have often enjoyed your blog. I have nominated you for the Versatile Blogger Award. Please visit the below site for further steps. Thanks

http://amaruvi.wordpress.com/2014/08/30/versatile-blogger-award/

 

சிறிது நேரம் ஒன்றுமே தோன்றவில்லை. இது நிஜமா என்று இருந்தது. திரு ஆமருவியின் தமிழ் தளத்தை அடிக்கடிப் படிப்பவள் நான். அதிகம் பின்னூட்டங்கள் போட்டதில்லை. அவரிடமிருந்து இப்படி ஒரு விருது நிச்சயம் எதிர்பார்க்கவில்லை. இப்படி ஒரு விருதினைக் கொடுத்து சோர்விலிருந்து என்னை எழுப்பி உட்கார வைத்ததற்கு எனது மனப்பூர்வமான நன்றி அவருக்கு. தேரழுந்தூர் ஆமருவியப்பனே நேரில் வந்தது போல உணர்வு!

 

இந்த விருது பெற்றவர்கள் செய்ய வேண்டியவை கீழே:

 

  • நமக்கு விருது கொடுத்தவருக்கு நன்றி சொல்லி அவரது வலைத்தளத்திற்கு இணைப்பு கொடுக்க வேண்டும். நன்றி ஆமருவி அவர்களே! இதோ உங்கள் தளத்திற்கு இணைப்பு:

Amaruvi’s Aphorisms

  • விருதினை வலைத்தளத்தில் போட்டுக்கொள்ள வேண்டும். போட்டுக்கொண்டு விட்டேன்.
  • என்னைப்பற்றிய 7 விஷயங்களை சொல்ல வேண்டும்.
  • நான் என் பங்கிற்கு குறைந்த பட்சம் 5 வலைப்பதிவாளர்களைத் இந்த விருதிற்கு பரிந்துரைக்க வேண்டும்.

என்னைப்பற்றிய 7 விஷயங்கள்

  • முழு நேர இல்லத்தரசி; பகுதி நேர எழுத்தாளர்.
  • மிகவும் பிடித்த சுவை நகைச்சுவை.
  • என்னை நானே கிண்டல் செய்துகொள்வது மிகவும் பிடித்த விஷயம்.
  • ரொம்பவும் பிடித்த எழுத்தாளர் கி. ராஜநாராயணன்.
  • அடிக்கடி படித்து ரசித்த கதைகள் பொன்னியின் செல்வன், திருவரங்கன் உலா.
  • செய்ய விரும்புவது: மொழி பெயர்ப்புகள். நல்ல வாய்ப்பிற்காக காத்திருக்கிறேன்.
  • நிறைய எழுத நினைக்கிறேன்!

நான் இந்த விருதிற்குப் பரிந்துரைக்கும் வலைப்பதிவாளர்கள்:

 

திரு கோபு என்கிற வை. கோபாலக்ருஷ்ணன்

எனக்கு முதலில் விருதுகளைக் கொடுத்தவர். என்னுடைய மிகப்பெரிய மரியாதைக்கு உரியவர்.

திரு தமிழ் இளங்கோ தனது அனுபவங்களை சீரிய எழுத்துக்களில் வடிப்பவர்.

திரு ஜோதிஜி தேவியர் இல்லத்தின் பெருமைக்குரிய சொந்தக்காரர்.

திரு பழனி கந்தசாமி சுவாரஸ்யமாகவும், கொஞ்சம் கோவமாகவும் தனது மனஅலைகளை நம்முடன் பகிர்ந்து கொள்பவர்.

சொல்லுகிறேன் என்று நமக்கு எப்போதும் அன்பும் ஆசியும் கூடவே ஆரோக்கிய சமையல் முறைகளையும் எழுதும் திருமதி காமாட்சி மகாலிங்கம்.

சின்னுஆதித்யா என்று பேரனை கொஞ்சுவதுடன் நிறுத்தாமல் அவன் பெயரிலேயே வலைத்தளம் ஆரம்பித்து சுறுசுறுப்பாக 1000 பதிவுகள் கொடுத்து சாதனை புரிந்த திருமதி விஜயா.

 

அரட்டை என்ற பெயரில் நல்ல விஷயங்களை மட்டுமே நகைச்சுவையுடன் பேசும் திருமதி ராஜலக்ஷ்மி பரமசிவம்.

 

கடைசி பெஞ்ச் என்ற பெயரில் முதல்தர பதிவுகளை எழுதும் திரு பாண்டியன்.

 

இந்த விருதுகள் எதுவுமே தேவைப்படாத ஆனால் எனக்கு மிகவும் பிடித்த இரு வெர்சடைல் வலைப்பதிவர்கள்:

துளசிதளம் – திருமதி துளசி கோபால்

எண்ணங்கள் எழுதும் திருமதி கீதா சாம்பசிவம்

 

இந்த விருதினைப் பெற்றவர்கள் நான் செய்தது போலவே உங்கள் தளத்தில் இந்த விருதினை உங்களுக்குப் பிடித்த பதிவர்களுடன் பகிர்ந்து கொள்ளுங்கள்.

 

திரு ஆமருவிக்கு எனது நன்றிகளை மறுபடியும் தெரிவித்துக் கொள்ளுகிறேன். தாமதாமாக இந்த விருது பற்றி வெளியிட்டதற்கு அவரிடம் மன்னிப்புக் கேட்டுக்கொள்ளுகிறேன்.

இந்த வார வல்லமையாளர்!

வல்லமை இதழில் வாரம்தோறும் ஒரு சாதனையாளரை ‘வல்லமையாளாராக’த் தேர்ந்தெடுப்பார்கள். இந்த வாரம் எனது இனிய, இணைய நட்பு காமாக்ஷிமா ‘வல்லமையாளர்’ ஆகத் தேர்ந்தெடுக்கப்பட்டிருக்கிறார். அவரைப் பற்றி வல்லமை இதழில் வந்ததை இங்கு பகிர்ந்து கொள்வதில் மிகவும் பெருமிதம் கொள்ளுகிறேன்.

ஆகஸ்ட் 4, 2014

இவ்வார வல்லமையாளர்
வல்லமைமிகு திருமதி காமாட்சி மகாலிங்கம் அவர்கள்

kamatchi

இவ்வார வல்லமையாளர் விருதிற்குரியவராகத் தேர்ந்தெடுக்கப்பட்டுள்ள திருமதி காமாட்சி மகாலிங்கம் அவர்களுக்கு அவரது வலைப்பூவைத் தொடங்கிய ஆண்டுக்கு ஓராண்டு முன்பு வரை கணினியைப் பயன் படுத்தத் தெரியாது.  ஆனால் அவருடைய 78 வயது என்பது அவரது ஆர்வத்திற்கு ஒரு தடையாக இருக்கவில்லை.  விகடனின் தீவிர வாசிப்பளரான இவர், பதிவுகளைப் படித்து கருத்துரைகளையும் வழங்கி வருபவர்.  பத்திரிக்கைகளை உடனுக்குடன் இணையம் மூலம் படிப்தற்கும், எழுதுவதற்கும் தனது மகனின் உதவியால் கணினியைக் கையாளக் கற்றுக் கொண்டதுடன் தானும் எழுதத்  தொடங்கி, தனது வலைப்பூ பதிவில் கருத்துரைக்கும் வாசகர்களுடனும் உற்சாகமாக கலந்துரையாடுகிறார்.

இவரை வல்லமையாளர் விருதிற்குப் பரிந்துரைத்தவர் வல்லமை வாசகர் ரஞ்சனி  அவர்கள். முதுமைக் காலத்திலும் தன்னால் இயன்ற அளவு பயனுறப் பொழுதைக் கழித்து, தனது எழுத்து ஆர்வத்தின் மூலம் தனக்குத் தெரிந்தவற்றை பிறருக்குப் பயன்படும் வகையில் எழுதி வரும் “சொல்லுகிறேன் காமாட்சி”அம்மையாரை இவ்வாரத்தின் வல்லமையாளராக அறிவிப்பதில் வல்லமை குழுவினர் மகிழ்ச்சி அடைகிறோம்.

காமாட்சி அம்மையார் சிறு வயதில் ஒரு பெரிய நகரில் பிறந்து வளர்ந்தாலும் அந்நாட்களில் பெண்கல்விக்கு இருந்த வசதியற்ற சூழலில் எட்டாம் வகுப்புடன், அவருடைய 12 ஆவது வயதில் அவருடைய பள்ளிப்  படிப்பு நின்று போயிருக்கிறது.  அண்டை அயல் வீடுகளில் உள்ளவர்களுக்கு நூல்கள் படித்துக் காட்டியும், கடிதங்கள் எழுத உதவியும் வந்திருக்கிறார். 1945 ஆம் ஆண்டு கட்டாயக் கல்விமுறையை அரசு அறிவித்த பொழுது மாணவர்கள் தொகை அதிகமாகிவிட  ஆசிரியர் தட்டுப்பாடு ஏற்பட்டிருக்கிறது.  இவர் படித்த பள்ளியிலேயே ஆசிரியராகப் பணி புரிந்திருக்கிறார்  (அந்தக் காலத்தில் E.S.L.C படித்தாலே ஆசிரியர் பணி புரியலாம்). சுதேசமித்திரன்  போன்ற பத்திரிக்கைகளில்,கதைகளும், பலவகை சமையல் குறிப்புக்களும் எழுதி சன்மானங்களும் வாங்கி இருக்கிறார்.

திருமணத்திற்குப் பிறகு, அவர் வசித்த நேபாளத்திலிருந்து  மடல்கள் அனுப்பினாலே ஏற்படும் தாமதம், குடும்பப் பொறுப்பு, ஐந்து குழந்தைகளை வளர்க்கும் பொறுப்பு ஆகியவற்றினால் இவரது எழுத்துப்பணி தடை பட்டிருக்கிறது.  பிறகு முதுமைக்காலத்தில் தனது மகனுடன் ஜெனிவாவில் வசிக்கத் துவங்கியதும் இணையம் மூலம் தனது எழுத்தார்வத்தை புதுப்பித்துக் கொண்டுள்ளார்.  காமாட்சி அம்மையார் 1930 களில் பிறந்தவர். அவர் தனது 78 ஆவது வயதில் வர்ட்பிரஸ் (wordpress.com)  வலைப்பூ தொடங்கி எழுதத் துவங்கியதே ஒரு சாதனைதான்.

ஐந்து ஆண்டுகளுக்கும் மேலாக, தற்பொழுது  தனது 82 ஆவது வயதிலும்  தொடர்ந்து  “சொல்லுகிறேன்” என்ற தலைப்பில் தனது வலைப்பூவில் எழுதி வருகிறார். சமையல் குறிப்பில் தொடங்கி தனக்குத் தெரிந்தவற்றை எல்லாம் பகிர்ந்து கொள்வேன் என்று வலைப்பூவில் தன்னைப்பற்றிய அறிமுகப் பகுதியில் குறிபிட்டுள்ள காமாட்சி அம்மையார், அதைப் போலவே பெரும்பான்மையான சமையல் குறிப்புகளும், அவற்றுடன் பயணக் கட்டுரைகள், விழாக்கள், சில நினைவுகள்,கடிதங்கள், கதைகள், துணுக்குகள்,  நடப்பு என்ற பற்பல தலைப்புகளின் கீழும் தனது எண்ணங்களைப் பதிவு செய்து வருகிறார்.  அத்துடன் தனது பதிவிற்கான புகைப்படங்களையும் தானே எடுத்து பதிகிறார் என்பது  இவரது தனிச் சிறப்பு. திரு சைபர் சிம்மன் ’80 வ‌யது பாட்டியின் வலைப்பதிவு!’ என்றும் இவரது வலைப்பூவை அறிமுகப்படுத்தியுள்ளார். திருமதி காமாட்சியின்  வலைப்பூ அவள் விகடனிலும் அறிமுகம் ஆகியுள்ளது.

ஓர் அன்னையர் தினப் பதிவாக தனது அன்னையைப் பற்றிய அந்தக் கால நினைவுகளை அசை போடத் தொடங்கியவர் தொடர்ந்து  அடுத்த ஆண்டு வரை பதினைந்து பதிவுகளுக்கு அக்கால நினைவலைகளில் நீந்திச் செல்கிறார்.  அதன் வழியாக சென்ற நூற்றாண்டின் ஆரம்பக் காலங்களில் மக்களின் வாழ்க்கையை, குறிப்பாக பெண்களின் வாழ்க்கையைப் பற்றிய கால வரலாற்றைப் பதிவு செய்துள்ளார்.  “பழைய காலத்தில் பெண்களுக்கு வாழ்க்கை எப்படியெல்லாம் அமைந்தது என்பதின் சிலரின் குறிப்புகள்…… அந்த நாளைய சமாசாரங்கள். இந்த கதையெல்லாம் யாராலே சொல்லமுடியும் ? பிடிச்சா படியுங்கோ. அவ்வளவுதான்…” என்று முன்குறிப்புகள் கொடுத்துத் தொடர்ந்துள்ளார்.  அப்பதிவுகளில் இருந்து ஒரு சில பகுதிகள் மட்டும்  படித்து மகிழ கீழே கொடுக்கப்பட்டுள்ளது….

அன்னையர் தினத் தொடர்வு

என் அம்மாவைப் பற்றி எழுதுகிறேன் என்று சொன்னேன். அவர் இருந்தா  நூறைவிட அதிகம் வயது. இருக்க வாய்ப்பில்லை. அவரின் சின்ன வயது அனுபவங்களைப் கேட்டபோது காலம் எப்படியெல்லாம் இருந்தது என்பதை தெரிந்து கொள்ள முடிகிறது. அவரின் சிறிய வயது காலத்தில்  விவாகம் என்பது பெண் குழந்தைகளுக்கு அவசியம் என்பதுடன், உள்ளூரிலேயே ஸம்பந்தம் செய்ய வேண்டும்,  என்பதால்,  சாப்பாட்டிற்கு கஷ்டமில்லாது பார்த்துக் கொள்ளக் கூடியவரைப் பார்த்தார்களே தவிர நல்ல இடம் கிடைக்கும் என்றுவேறு ஊர்களில் வரன் தேடுவதில்லை. கஷ்டப் பட்டாலும், கண்ணெதிரே இருப்பதை விரும்பினார்கள்.  ஆதலால் வயது வித்தியாஸம், பெரியதாகத் தெரிவதில்லையாம். அந்தந்த ஸீஸனில் விளையும் பயிர் பச்சைகள் போல, கிடைக்கும் மாப்பிள்ளைகளைத் தேர்ந்தெடுப்பார்கள போலும்………..

……. மற்றொரு பதிவில் …….

அது ஒருகாலம்.  குழந்தை வைத்தியம் ஸரிவர இல்லாத காலமென்றும் சொல்லலாம். மருந்துகள்   கண்டு பிடித்த காலம் அது என்றும்  சொல்லலாம். எங்கு நோக்கினாலும்    ஒரு வயதுக் குழந்தைகள்  வயிற்றைப் பெரியதாக முன்நோக்கித் தள்ளிக் கொண்டு, சரிந்த தோள்களும், மெலிந்த கால்களுமாக உட்கார்ந்து கொண்டிருக்குமே தவிர சுரு சுருப்பாக இராது. கண்களில் ஒரு ஏக்கம். அழுகை என ஈரல், குலைக்கட்டிக்கு ஆளாகி  இம்மாதிரிக் குழந்தைகள்தான் பார்க்கக் கிடைக்கும். கட்டி விழுந்த குழந்தை.,   மாதமொரு  முறை  ஜம்மி வெங்கட ரமணய்யாவின் அருகிலிருக்கும் பெரிய ஊர்களுக்கு அவரின் விஜயம் எல்லா மாதங்களிலும் ஒரே குறிப்பிட்ட தேதியில் அவர் வருகைக்காக அம்மாவுடன் பயணிக்கும். நல்ல    வார்த்தை  டாக்டர்  சொல்ல  வேண்டுமே  என்று  வேண்டும் தாயின்  உள்ளங்கள்.

பத்துரூபாய் மருந்து என்றால்   பாப்பையா மருந்து.   வியாதி கடினம். ஐந்து ரூபாய் மருந்து என்றால்  ஜம்மியோ, ஜிம்மியோ? வியாதி  ஆரம்பம். அப்படிப் பெயர்போன மருந்துகள். மிகவும் கஷ்டம், எத்தனை தேரும், தேராது என்பது. ஒரு முப்பது வருஷ காலங்கள் இம்மாதிரிதான் ஓடிக்கொண்டிருந்தது. நான் நிறைய இம்மாதிரி குழந்தைகள் பார்த்திருக்கிறேன். ஒரு ஐம்பது வருஷமாக இம்மாதிரி அவல நிலை ஓய்ந்தது என நினைக்கிறேன். அம்மாவின் முதல் ஆண் குழந்தை இம்மாதிரி இழப்பு………..

அக்காலத்தில் தனது பாட்டிகளிடம் கதைகேட்டு வளர்ந்தவர்களுக்குத் தெரியும் பாட்டிகள் எவ்வளவு அனுபவச் சுரங்கங்களாக இருந்தார்கள் என்பது. கதைகள், வைத்தியக் குறிப்புகள், சமையல் குறிப்புகள், பாடல்கள், காலக்குறிப்புகள் எனஅவர்கள் அள்ளி அள்ளி வழங்குவார்கள்.  அந்த அருமையான வாய்ப்பினை இழந்த இக்காலதவருக்கு, அந்த ஏக்கத்தை தீர்க்க  ‘இணையப்பாட்டி’ போல  காமாட்சி அம்மையார்  எழுதி வருகிறார்.  இளைய தலைமுறையினருக்கு இவரது வலைப்பூ  தகவல் பலத் தரும் ஓர் அருமையான கருவூலம்.

**************************************************************************************
வல்லமையாளருக்குப் பாராட்டுகள்!!!
தங்களுடைய ஆக்கப்பூர்வமான பங்களிப்பினைத் தொடர்ந்திட
வல்லமை மின்னிதழ் அன்பர்களின் மனம் நிறைந்த வாழ்த்துகள்!!!

**************************************************************************************

 

நன்றி:  திருமதி தேமொழி, வல்லமை இணைய இதழ்

 

பதிவுலகத் தோழி!

friends

 

இப்போதெல்லாம் சென்னை போனால் நிறைய பேர்கள் எனது வலைப்பதிவுகளைப் பற்றிப் பேசுகிறார்கள். (பதிவுலகத் தோழி என்று போட்டுவிட்டு உன்னை பற்றி ‘டாம், டாம்’ பண்ணுகிறாயே என்று அடிக்க வராதீர்கள்.) எனது ஓர்ப்படி சொன்னாள்: உங்கள் ‘முப்பதும் தப்பாமே’ படித்ததிலிருந்து தினமும் திருப்பாவை சேவிக்கிறேன்’ என்று. எத்தனை நல்ல விஷயம்!

 

அதேபோல எனது இன்னொரு ஓர்ப்படியின் அக்கா – அதிகம் யாரிடமும் பேசாதவர் – என்னிடம் சொன்னார்: ‘நல்ல பொழுதுபோக்கை பழக்கமாக்கிக் கொண்டிருக்கிறீர்கள். என் மனதில் சில விஷயங்கள் உறுத்திக் கொண்டே இருக்கின்றன. உங்களிடம் சொல்லுகிறேன். நீங்கள் எழுதுங்கள்’ என்றார்.

 

அவர் அன்று என்னிடம் சொன்னதை நான் இன்னும் எழுதவில்லை. அவர் சொன்ன விஷயங்கள் மிகவும் கனமானவை. நிதானமாக யோசித்து எழுதவேண்டும். நிச்சயம் ஒரு நாள் எழுதுவேன்.

 

எனது மகளின் நாத்தனாருக்கும் கன்னட மொழியில் பதிவுகள் எழுத வேண்டுமென்று ஆசை. அவருக்கும் எப்படி வலைத்தளம் ஆரம்பிப்பது, எப்படி கன்னட மொழியில் எழுதுவது என்று சொல்லிக் கொடுத்தேன். (என் பிள்ளை சிரிப்பது காதில் விழுகிறதா?)

 

எல்லோரும் என் பதிவுகளைப் பற்றிப் பேசும் போது நான் அவர்களிடம் நீங்களும் எழுதலாம் என்று தவறாமல் சொல்லுகிறேன். எழுதுவதால் என்ன நன்மை என்றும் சொல்லுகிறேன். நான் சொல்வதை  மிகவும் ‘லைட்’ டாக எடுத்துக் கொண்டு ‘அதெல்லாம் எங்களுக்கு வராது; நீ எழுது, படிக்கிறோம்’ என்று சொல்லிவிட்டு நகர்ந்து விடுவார்கள்.

 

எனது பதிவுகளைப் படித்து பின்னூட்டம் போட்டுக் கொண்டிருந்த ஒரு வாசகியிடமிருந்து  ஒரு மின்னஞ்சல் வந்தது. ‘நான் ஆசிரியை ஆகி இருந்து சமீபத்தில் ஓய்வு பெற்றவள். எனக்கும் உங்களைப் போல எழுத வேண்டும். எப்படி வலைத்தளம் ஆரம்பிப்பது, எப்படி தமிழில் எழுதுவது என்றெல்லாம் கேள்வி மேல் கேள்வி கேட்டு எழுதியிருந்தார்.

 

பலருக்கும் சொல்லி யாரும்  எழுத முன் வராத நிலையில் இந்தக் கடிதம் எனக்கு ரொம்பவும் உற்சாகம் கொடுத்தது. வேர்ட்ப்ரஸ் தளத்தில் எப்படி ஆரம்பிப்பது என்று நீஈஈஈஈஈஈஈஈஈஈஈஈஈ ண்ட கடிதம் எழுதினேன்.

 

அந்த சமயத்தில் தொழிற்களம் வலைத் தளத்திலும் இதே விஷயத்தை எழுதிக் கொண்டிருந்தேன். அந்தக் கட்டுரைகளையும் படிக்கச் சொல்லி எனது மின்னஞ்சலில் குறிப்பிட்டிருந்தேன்.

 

எல்லோரையும்போல இவரும் என்று நினைத்திருந்த எனது எண்ணத்தில் மண் விழுந்தது. நிஜமாகவே வலைத்தளம் ஆரம்பித்து எழுதவும் தொடங்கி விட்டார்! தமிழ் ஆங்கிலம் இரண்டிலும் எழுத ஆரம்பித்தார். இரடிற்கும் தனித்தனியாக வேறு வேறு வலைத்தளம் ஆரம்பிக்கச் சொன்னேன்.

 

சின்னுஆதித்யா என்று தனது பேரனின் பெயரில் ஒரு வலைத்தளம் ஆரம்பித்து இப்போது 200 பதிவுகளை வெற்றிகரமாக எழுதி முடித்துவிட்டார் எனது பதிவுலகத் தோழி விஜயா.

 

இவரை எனது வலைச்சர வாரத்திலும் அறிமுகப் படுத்தினேன்.

 

நாட்குறிப்பு எழுதும் வழக்கம் உள்ளவர். அதனால் தினமும் புது புது தகவல்கள் தனது பதிவில் கொடுத்துக் கொண்டே இருப்பார்.

 

பெங்களூருக்கு அவரது தோழியைப் பார்க்க வந்தவர் எனது வீட்டிற்கும் வந்தார். முதல்முறை சந்திப்புப் போலவே இல்லை. சாயங்காலம் மறுபடி வீட்டின் அருகில் உள்ள பார்க்கில் சந்தித்தோம். இரவு டின்னர் இவரது பிள்ளையின் செலவில்!

 

‘அம்மா, ரொம்ப காரம் சாப்பிடாதே; ஐஸ்க்ரீம் வேண்டாம் சுகர் அதிகமாயிடும்’ என்று பார்த்து பார்த்து சொல்லி அம்மாவை பார்த்துக் கொள்ளும் பிள்ளை.

 

அவ்வப்போது பண்டிகைகளுக்கு, என் பிறந்த நாளுக்கு தவறாமல் தொலைபேசி விடுவார். நான் தான் இந்த தவறாமையை இவரிடமிருந்து கற்றுக் கொள்ள வேண்டும்.

 

குரு பூர்ணிமா அன்று எழுதிய பதிவில் ‘நீங்கள் தான் என் பதிவுலக குரு. உங்களுக்கு என் நன்றியை செலுத்தவே தொலைபேசினேன்’ என்று குறிப்பிட்டிருக்கிறார்.

 

சிலசமயம் இருவருமே ஒரே விஷயத்தைப் பற்றி எழுதுவோம். எங்கள் இருவரின் அம்மாக்களின் பெயரும் கமலம். இருவரும் (அம்மாக்கள்) பிறந்தது திருவாரூர். இதுபோல இன்னும் நிறைய ஒற்றுமைகள்.

 

எனது பதிவுலகத் தோழி விஜயா தனது குடும்பத்துடன் மிகவும் சந்தோஷமாக, ஆரோக்கியமாக வாழவும், பதிவுலகம் தாண்டிய எங்கள் நட்பு இப்படியே நீடித்து நிலைக்கவும்  இறைவனிடம் வேண்டுகிறேன்.

 

Happy blogging Vijaya!