Exercise for a healthy life:

Everyone dreams of a healthy life. All of us were healthy at birth. But what happens in the long run, due to sedentary life and laziness or sometimes unexpected injury and bedridden for a long time makes us unhealthy. If you think one of the reasons above made your health deteriorate, exercise is the best option to get back your lost health and luster to your life.

Be mentally prepared:

For a long-lasting new activity, we need to prepare our mind. Especially doing regular exercise needs lots of mental preparation. The first day’s spirit dies very soon in many cases. We start giving reasons for our inability to stick on to regular exercise. Reasons may be numerous; but there can be only one answer for the question: why should we exercise? If we dream of a healthy life we should exercise; that’s all. So, better stop giving reasons.

Exercise?  No way!

We come across 3 kinds of people who have a different school of thought about exercise:

  1. I have never exercised in my life –  no time for exercise
  2. Doing daily household chores is enough to be fit (women come under this category)
  3. Only sick people and fat people should exercise.

There is something very important for these people to keep in mind:

  • You can start exercising at any point of time in your life. It is never too late to start exercising. Spending time for exercise is your investment for a healthy life.
  • Daily chores unlike exercise, don’t make you fit; instead make you tired. A well planned exercise makes you fresh. You feel energized after each session of exercise.
  • Exercise makes everyone fit; if you are already fit it makes you fitter. Exercise benefits everyone in an unimaginable way.

Slow and steady wins the race:

You don’t use the diving board on the very first day of your swimming class, right? Same rule applies here also. Take any form of exercise, but for 15 to 20 minutes to start with and with less intensity. Tell yourself that you are committed and this is going to better your life. Walk, jog, push ups or yoga – any form is good if you can enjoy it. Consult your family doctor if you are new to exercising and above 40 years.

Small changes go a long way:

Make some small changes in your daily routine. You know very well that stuffing your stomach with junk food is not good. Don’t stop completely. Instead of eating fast food every other day, make it for weekends. Tell yourself that you are not depriving yourself of all the pleasures in life. A small quantity of fruits and nuts add color to your diet.

Countless benefits:

Exercise helps you in innumerable ways. It helps you to

  • Control your weight;
  • Protect you from serious injuries;
  • Live a heart healthy life;
  • Manage or combat health problems;
  • Handle your mood swings in a better way;
  • Avoid sleep disorder;
  • Renew your sex life;

If you are particular about the quality of your life and concerned about your family, make exercise as your first choice and spare some quality time for it.

published in articlesmail.com


Eco friendly home theater

 Eco friendly home theater

You are a movie buff and you love the sensation of your heart skipping a beat when you see your favorite actor on the big screen. But you can’t stand the mad crowd whistling and clapping in a disturbing way in the theatre while you are engrossed in the movie and want to enjoy each and every bit of the film. You are not very happy about the sky-high price of the ticket also. Also you have to spend through your nose for pop-corns and zero calorie drinks.

The only way out is: have your own home theatre which brings the same ambience of a theatre with home comfort. If you are a ‘go-green’ person, design an eco-friendly home theater. This way you can keep up your ‘green-badge’ and as well satisfy your passion for good films. Bake your cake and eat it too.

This article tells you various ways to create a pollution-free, no-wastage and energy – conserving home theater.


Start with recycling old things. If you want new things to come in, you should show the door to the old unwanted things. Instead of throwing them in a trash, you can give a thought of recycling old things.Old but useable furniture can be donated to needy people. Used carpets and textiles can also be given away to old age home or some orphanage. Or you can approach some people who give a new look for the used itemsand sell them also.


Reusing old things is the other option to furnish your home theater before you go shopping to buy new ones to decorate your home theater. Give a face lift to your old dresser, cabinet and bookshelf and use them as repository for keeping CDs and DVDs. Use your old mini-fridge to keep cool drinks and biscuits or pastries which you can have while watching a film in your home theater. This will add a ‘feeling-good’ effect of watching a movie in a theater.Think about some other items which can be reused with some touch upand kept in the home theater.This way you can save a lot of money and use it for buying more DVDs of your favorite actors’ classical movies.


Tryto retrieve some old couches, chairs and flooring carpets by refurbishing them. You will have to spend some money to give a makeover for the old ones. Or go in for some items which are far less cheap. If you have extra money to spill out, try to get a few authentic antique theater couches of 20’s or 30’s, which add a grand look and rich color to your home theater. If you are very particular that you buy new furniture for your home theater, look for sofas which are long lasting and made from pollutant-free sources.

Green curtains:

When you furnish your home theater with some special couches and antique theater seats,no doubt,your windows also need a green touch.Beautify your windows with eco-friendly organic cotton drapes or bamboo fibers. You can also let the natural sun light peep in during cold weather by keeping your drapes open in day light. To avoid summer heat, close window drapes and shades during summer.

The visual medium:

Since the decoration part is almost completed, let’s divert our attention to the most important thing: the visual medium – the very life of a home theater. Select a high end screen with LCD (liquid crystal display) or LED(light emitting diode) technology. The display on these new, improved monitors is better than the flat screens. The screen is just an inch thick, well suited for wall mounting.  LED monitors save energy by using 40% less energy than LCD monitors.  There are some eco-friendly projectors which also use LED technology. There is an eco-stand-by mode which helps save more energy when the projector is on but not in use. Lighting in your home theater also needs to be redefined. If you have a larger budget, and want to have an ultimate theater experience LED lights come to your rescue. They are dimmable, programmable and are available in a variety of choices to choose from.

Last but not least tip:

Look for an induction stove to pop up your corn. Induction stove consumes less electricity and helps you to conserve energy.

A conscious plan is needed to make your home theatre ecofriendly. Make use of alternate energies like solar, water and wind to energize your home theater. Enjoy your movies without any guilt conscience by making your home theater a green one.

Dark inside green outside!


published in Instamedia.com

பெண்களுக்கு இதய நோய்

பல ஆண்டுகளாக பெண்களுக்கு இதய நோய் வர வாய்ப்பில்லை என்றே நம்பிக்கொண்டிருந்தோம். இதில் சிறிதளவு உண்மையும் இருக்கிறது. பெண்களுக்கு இயற்கையாகவே சுரக்கும் ஈஸ்ட்ரோஜென் என்கிற ஹார்மோன், மெனோபாஸ் என்கிற இறுதி மாதவிடாய் வரும் வரை பெண்களை இதய நோயிலிருந்து காப்பாற்றுகிறது. மாதவிடாய் நின்றுவிட்ட பெண்களும் இறுதி மாதவிடாயை நெருங்கி கொண்டிருக்கும் பெண்களும் இந்த ஹார்மோன் சுரப்பது குறைந்துவிடுவதால் இதய நோய்க்கு ஆளாவது தற்சமயம் தெரியவந்துள்ளது. இந்த இதய நோயின் பாதிப்பால் இறப்பவர்களின் எண்ணிக்கை, மார்பக புற்றுநோய், கர்ப்பப்பை புற்று நோய் ஆகியவற்றால் இறப்பவர்களின் எண்ணிக்கையைவிட அதிகமாக இருப்பதாக பல ஆராய்ச்சி முடிவுகள் தெரிவிக்கின்றன.


இந்த நோயின் அறிகுறிகள் பெரும்பாலும் சாதாரணமானவையாய் இருப்பதால் பலர் அவற்றை புறக்கணிக்கிறார்கள்.
ஆண்களுக்கும் பெண்களுக்கும் வேறு வேறு விதமான அறிகுறிகள் தோன்றுகின்றன. பல சமயங்களில் பெண்களுக்கு மார்பு வலி ஏற்படுவதில்லை. ஆனால் அதீத களைப்பு, தடைப்பட்ட தூக்கம், சாதரணமாக நிற்கும் போதோ, நடக்கும் போதோஏற்படும் மூச்சு திணறல்,அஜீரண கோளாறு, மனச்சோர்வு, நெஞ்செரிச்சல், கழுத்து, மேல் முதுகு, மற்றும் தோள்பட்டை பகுதியில்  ஏற்படும் ஒருவித அசௌகரியம், அதீத வியர்வை, மயக்கம், குமட்டல், வாந்தி  ஆகியவை கூட இதய நோயின் அறிகுறியாக இருக்கலாம் என்றுடாக்டர்கள் சொல்லுகிறார்கள்.

இது பரம்பரை நோய் என்றாலும், உயர் இரத்தஅழுத்தம், அதிக கொழுப்பு, சர்க்கரை நோய், புகை பிடித்தல்  ஆகியவையும் இந்த நோய் ஏற்பட காரணங்களாக கருதப்படுகிறது. உயர் இரத்த அழுத்தம், சர்க்கரை நோய், அதிக கொழுப்பு (cholesterol)  உள்ளவர்கள் மாதம் ஒருமுறை மருத்துவரிடம் சென்று பரிசோதனை  செய்து கொள்ளுவது மிகவும் முக்கியம்.சர்க்கரை, இரத்த அழுத்தம், கொழுப்பு ஆகியவற்றை கட்டுப்பாட்டில் வைத்து கொள்ளுவது மிக மிக முக்கியம்.

மாரடைப்பு நோய் என்பது என்ன?

இதயத்திற்கு இரத்தத்தை எடுத்து செல்லும் குழாயில் ஏற்படும் அடைப்பால் இதயத்திற்கு வரும் இரத்தம் குறைந்து அதனால் இதய தசைகள் பலவீனப்பட்டு விடுகின்றன. இதனால் மாரடைப்பு ஏற்படுகிறது. அல்லது இரத்த நாளங்களில் ஏற்படும் அடைப்பு, திடீரென்று தோன்றும் இரத்தக்கட்டி இவற்றாலும் மாரடைப்பு உண்டாகிறது.

இதய நோய் என்பது  நாம் நடத்தும் வாழ்க்கை முறையை ஒட்டி வரக்கூடிய   நோய் (lifestyle disease) என்று மருத்துவர்கள் கூறுகிறார்கள். தற்சமயம் ஆண்களும், பெண்களும் உடல் உழைப்பு என்பதே இல்லாமல் ஒரே இடத்தில் பல மணி நேரம் உட்கார்ந்தநிலையில் வேலை செய்வது சகஜமாகிவிட்டது. சரியான உடற்பயிற்சி, சரியான நேரத்தில் சாப்பாடு, சரியான தூக்கம் என்பது பலருக்கும் இல்லாமல் போய்விட்டது. இவையெல்லாம் கூட இதய நோய் சிறிய வயதிலேயே வர காரணங்கள்.

இதைத் தவிர மனஅழுத்தம் நமது ஆரோக்கியத்தை பெருமளவில் பாதிக்கிறது. யோகா அல்லது ப்ராணாயாமம் எனப்படும் சுவாசப் பயிற்சி மன அழுத்தத்தை குறைக்க உதவுகிறது. சரியான பயிற்சியாளரிடம் முறையான பயிற்சி பெற்று இவற்றை வீட்டில் அமைதியான சூழ்நிலையில் தொடர்ந்து செய்துவருவது அவசியம்.

உங்கள் வீட்டில்உங்கள் அப்பாவிற்கோ, அம்மாவிற்கோ இதய நோய் இருந்து, நீங்களும் 30 வயதுக்கு மேற்பட்டவரானால்  உடனடியாக மருத்துவரிடம் ஆலோசனை கேளுங்கள். உடற் பயிற்சி தினமும் அவசியம்.உங்களது வாழ்க்கை முறையை சின்ன சின்ன அளவில் மாற்றிக் கொள்ளுங்கள். என்ன செய்யலாம் என்ன செய்யக்கூடாது என்பதை தெரிந்து கொள்ளுவது மிக அவசியம். சிறிய மாற்றங்கள் கூட இதய நோயை தவிர்க்க உதவும்.

தினமும் காலையில்நடை பயிற்சி செய்யுங்கள். இளைய தலைமுறை ஆண்களும் பெண்களும் தங்கள் உடல் ஆரோக்கியத்திற்கு என்று நேரம் ஒதுக்குவது மிக அவசியம்.

புகைபிடிப்பவர்கள் அதை நிறுத்த முயற்சி செய்யலாம். புகை பிடிப்பதை நிறுத்துவதனால் காசும் மிச்சம்; உடல் ஆரோக்கியமும் காப்பாற்றப்படும்.

துரித உணவு வகைகளை சாப்பிடுவதை நிறுத்திவிட்டு போஷாக்கு நிறைந்த உணவுவகைகளை உட்கொள்ளுதல் நலம். பச்சை காய்கறிகளும் பழங்களும் நிறைந்த உணவு மிகுந்த நன்மையை உண்டாக்கும்.

அலுவலக வேலையை, அலுவலக கவலைகளை  வீட்டிற்கு கொண்டு வராதீர்கள். வீட்டில் குழந்தைகளுடன் நேரத்தை இனிமையாக கழிப்பது மனதிற்கு சாந்தியைக் கொடுக்கும். வாரக் கடைசி நாட்களை குடும்பத்துடன் வெளியில் சென்றோ அல்லது நிம்மதியாக ஓய்வு எடுத்தோ செலவிடுங்கள்.

நமது வாழ்வில் சிறு சிறு மாற்றங்களை கொண்டு வருவதன் மூலம் இதய நோயிலிருந்து நம்மை நாமே காப்பாற்றிக் கொள்ளமுடியும். பல நவீன மருந்துகள், மருத்துவ முறைகள் நம் வாழ்வை மேம்படுத்த உதவுகின்றன. இதய நோய் பற்றியஅறிவு, விழிப்புணர்வு இரண்டும் மிக முக்கியம்.

வருமுன் காப்பது என்பது எப்போதுமே நல்லது. சுவர் இருந்தால் தான் சித்திரம் எழுத முடியும். அதைப் போல வாழ்க்கை ஆனந்தமாக இருக்க நல்ல ஆரோக்கியம் என்பது அத்யாவச்யமான ஒன்று. உடல் நலம் பேணுவது நம் எல்லோருடைய முதற் கண் கடமை ஆகும்.

பெண்கள் ஒரு குடும்பத்தின் அச்சாணி போன்றவர்கள். குடும்பத்தின் மற்ற அங்கத்தினர்களின் ஆரோக்கியத்தை பேணும் பெண்கள் தங்களது ஆரோக்கியத்தையும் கவனமாக பார்த்துக் கொள்ளுவது அவசியம்.

published in a2ztamilnadunews.com

மார்பக புற்று நோய்

மார்பக புற்று நோய் என்பது பொதுவாக மார்பகங்களில் உள்ள பால் சுரப்பிகளில் உண்டாகும் ஒருவித வீரியம் மிக்க கட்டி ஆகும். மிகவும் அரிதாக மார்பகத்தின் கொழுப்பு பகுதிகளை இணைக்கும் திசுக்களிலும் இந்தக்  கட்டிகள் உருவாகலாம். கட்டிகளின் அளவை வைத்து புற்று நோய் ஆரம்ப நிலையில் உள்ளதா அல்லது மிகவும் அபாயகரமான நிலையில் உள்ளதா என்று அறியலாம். ஆனாலும் மருத்துவர்கள் புற்று நோயின் தன்மையை முக்கியமாக கண்காணிக்கிறார்கள். ஏனெனில் சில சமயங்களில் சிறிய கட்டியாக இருந்தாலும்  மிகுந்த வீரியம் மிக்கதாகவும், பெரிய கட்டிகள் வீரியம் குறைந்ததாகவும் இருக்கலாம்.

மார்பக புற்று நோய் வர காரணங்கள் பல. பெண்களுக்கு சுரக்கும் ஈஸ்ட்ரோஜென் என்கிற ஹார்மோன் மார்பக புற்று நோயை உண்டாக்குகிறது. இதைத் தவிர வேறு  சில காரணங்களும் இருக்கின்றன. சிலவற்றை நம்மால் தவிர்க்க முடியும். சில தவிர்க்க முடியாதவை.

தவிர்க்க கூடிய காரணங்கள்:

  • இந்நோய் நகர்ப்புற பெண்களை அதிகம் பாதிப்பதாக ஆராய்ச்சிகள் கூறுகின்றன. நகர்புற பெண்கள் மிக தாமதமாக திருமணம் செய்துகொள்வது, குழந்தைகள் இல்லாமல் போவது, அல்லது 30 வயதுக்கு மேல் முதல் குழந்தை  பெற்றுக்கொள்ளுவது ஆகியவை இதற்கு காரணமாக சொல்லப்படுகிறது.
  • நகர்ப்புற  பெண்களிடையே அதிகமாக காணப்படும் புகைப்பிடித்தல் மற்றொரு காரணம். புகைப்பிடித்தலுக்கும் மார்பகப் புற்று நோய்க்கும் தொடர்பு இருப்பதாக தெரிகிறது. இந்த புற்று நோய் புகைப்பிடிப்பவர்களை  மட்டுமல்லாது அவர்களுடன் கூட இருப்பவர்களையும் (passive smokers) பாதிப்பதாக ஆராய்ச்சிகள் தெரிவிக்கின்றன. புகைப் பிடிப்பதை நிறுத்துவது ஒன்றே இந்நோயின் கொடுமையிலிருந்து விடுபட ஒரே வழி.
  • ஓபீஸ் என்று சொல்லப்படும் அதிக பருமனும் மார்பக புற்று நோய் வருவதற்கு ஒரு காரணம். உடற் பயிற்சி செய்வதை அன்றாட வழக்கமாக்கிக் கொள்ளுதல் நலம். தினந்தோறும் உடற்பயிற்சி செய்து நோய் எதிர்ப்பு சக்தியை அதிகமாக்கி கொள்ளுவதன் மூலம் இந்நோயை தவிர்க்கலாம்.
  • நகர்புற பெண்களிடையே இருக்கும் மது அருந்தும் பழக்கமும் மார்பகப் புற்று நோய் வரக் காரணம். மது அருந்துவது          ஈஸ்ட்ரோஜென் சுரப்பதை அதிகரித்து மார்பக புற்று நோயை உண்டாக்கிறது. மது அருந்துவதை தவிர்ப்பது நலம்.
  • இதைப் போலவே அதிக கொழுப்பு சத்து நிறைந்த உணவு வகைகளை சாப்பிடுவதும் ஈஸ்ட்ரோஜென் சுரப்பதை அதிகரிக்கிறது. இதனால் புற்றுநோய் கட்டி வேகமாக வளருகிறது. கொழுப்பு குறைந்த உணவு வகைகளை சாப்பிடுவதன் மூலம் இந்த அபாயத்தை தவிர்க்கலாம்.
  • 40 வயதிற்கு பிறகு குழந்தை பெற்றுகொள்ளுவதும், குழந்தைக்கு தாய் பால் கொடுக்காமலிருப்பதும் கூட மார்பக புற்று நோய் வர காரணம்.

தவிர்க்க முடியாத காரணங்கள்:

  • இது ஒரு பரம்பரை நோய்.
  • 40  வயதிற்கு மேற்பட்ட பெண்கள் இந்நோய்  தாக்குதலுக்கு அதிகம் ஆளாகிறார்கள். ஆனால் தற்சமயம், இளம் பெண்களும் இந்நோய்க்கு ஆளாவது தெரிய வந்துள்ளது.
  • 21 வயதிற்குள் பருவம் அடையும் பெண்கள், 55 வயதிற்கு மேல் மெனொபாஸ் அடையும் பெண்கள் மற்றும் குழந்தை பேறு இல்லாத பெண்கள் ஆகியவர்களுக்கு இந்நோய் வர வாய்ப்பு அதிகம் என்று நம்பப் படுகிறது.
  • ஆசிய, ஆப்ரிக்க பெண்களைக் காட்டிலும் ஐரோப்பிய, அமெரிக்க பெண்கள் அதிகம் பாதிக்கப் படுகிறார்கள்.

மார்பகப் புற்று நோயின் அறிகுறிகள்:

  • மார்பகப் புற்று நோய்க்கு தெளிவான அறிகுறிகள் தென்படுவதில்லை. சின்ன கட்டி, வீக்கம், தோலில் ஏற்படும் மாற்றங்கள் ஆகியவற்றை அறிகுறிகளாக சொல்லலாம்.
  • மாதவிலக்கு முடிந்தஉடன் மார்பகத்திலோ அல்லது அக்குளிலோ தோன்றும் சிறிய கட்டி.
  • மார்பகத்தில் வலி, குத்தும் உணர்வு, மற்றும் மார்பகம் மிக மென்மையாக ஆவது.
  • அக்குளில் வீக்கம்.
  • மார்பக அளவு மற்றும் வடிவத்தில் ஏற்படும் மாற்றம்.
  • மார்பு காம்பின் நிறம் மாறுதல்.
  • மார்பகத்திலிருந்து இரத்தக் கரை படிந்த திரவம் வெளிவருதல்.
  • மேற் கண்ட அறிகுறிகளில் ஏதேனும் இருந்தால் உடனடியாக மருத்துவரை பார்க்கவும். மேமோக்ராம் மற்றும் மருத்துவரிடம் போய் மார்பகப் பரிசோதனை செய்து கொள்ளுவதன் மூலம் மார்பகப் புற்று நோயை ஆரம்ப நிலையிலேயே கண்டு அறியலாம்.

சுய பரிசோதனை:

மருத்துவர்கள் பெண்கள் தங்களை தாங்களே சுய பரிசோதனை செய்து கொள்ளுவதன் மூலம் இந்த மார்பக புற்று நோயை ஆரம்பத்திலேயே கண்டறியலாம் என்று அறிவுறுத்துகிறார்கள்.

சுய பரிசோதனை முறைகள்:

  • கண்ணாடி முன் நின்று கொள்ளவும். உங்கள் கைகளை இடுப்பில் வைத்துக் கொண்டு தோள்களை நேராக வைத்துக் கொள்ளவும். நிதானமாக உங்கள் மார்பகத்தை கண்களால் சோதனை செய்யவும். வழக்கத்திக்கு   மாறாக ஏதேனும் வித்தியாசம் தெரிகிறதா என்று பார்க்கவும். மார்பகப் பிரதேசத்தில் சின்ன வீக்கமோ, கோடுகளோ  அல்லது சிறிய குழிகளோ இருக்கிறதா என்று பார்க்கவும்.
  • அடுத்ததாக மார்பு காம்புகளை பாருங்கள். வழக்கம் போல இருக்கின்றனவா? கைகள் இரண்டையும் தலைக்கு மேலே உயர்த்தி நீட்டிக்கொண்டு மறுபடியும் கண்களால் பார்க்கவும்.
  • வலது கையை தலைக்கு மேலே உயர்த்தி இடது கைகளால் வலது மார்பகத்தை தொட்டுப் பார்க்கவும். விரல்களால் நிதானமாக மெதுவாக அழுத்தி வீக்கமோ, வலியோ இருக்கிறதா என்று பரிசோதனை செய்யவும். இதைப் போல மற்றொரு பக்கமும் பரிசோதனை செய்யவும்.
  • மல்லாந்து படுக்கவும்.வலது கையை உயர்த்திக் கொள்ளுங்கள். வலது மார்பகத்தின் மேல் இடது கை விரல்களை மேலும் கீழும் நகர்த்துங்கள். சிறு சிறு வட்ட வடிவத்திலும் கைகளை நகர்த்தி நகர்த்தி சோதனை செய்யுங்கள். ஒரு குறிப்பிட்ட வகையில் கைகளை நகர்த்திக் கொண்டே போய், அக்குள் மற்றும் தோள் பட்டை எலும்பு வரையிலும் ஓரிடம் பாக்கி இல்லாமல் சோதனை செய்யுங்கள்.

சிகிச்சை முறைகள்:

மச்டேக்டோமி  (mastectomy) மற்றும் லம்பெக்டோமி (lumpectomy) என இரண்டு வகையான அறுவை சிகிச்சை முறைகளும் அவற்றுடன் கதிரியக்க சிகிச்சையும் மார்பகப் புற்று நோய்க்குண்டான சிகிச்சை முறைகள்.
மார்பகத்தின் பெரும் பகுதி புற்று நோயால் பாதிக்கப் பட்டிருக்கும் போதோ அல்லது புற்று நோய் மறுபடி வரக் கூடும் என்று சந்தேகிக்கும் போதோ மச்டேக்டோமி எனப்படும் அறுவை சிக்கிச்சை மூலம் புற்று நோய் தாக்கப்பட்ட பார்பகத்தை முழுவதுமாக அகற்றி விடுகிறார்கள்.

இந்த அறுவை சிக்கிச்சையினால் ஏற்படும் பிரதிகூலங்கள்:

  • குணமடைவதற்கு அதிக நாட்கள் பிடிக்கிறது என்பதுடன் சில பக்க விளைவுகளும் ஏற்படுகின்றன.
  • மார்பகம் முழுவதுமாக அகற்றப்படுகிறது.
  • இழந்த மார்பகத்தை மறுபடியும் செயற்கை முறையில் அமைப்பதற்கு நீண்ட காலம் ஆகிறது.


மார்பகத்தின் ஒரு பகுதி மட்டும் புற்று நோயால் பாதிக்கப் பட்டிருந்து புற்று கட்டியும் 4 செ.மீ. க்கும் குறைந்த அளவில் இருக்கும்போது இந்த அறுவை சிகிச்சை செய்யப் படுகிறது. கதிரியக்க சிகிச்சையும், மார்பகத்தை பழையபடி வடிவமைத்தலும் இந்த அறுவை சிகிச்சைக்குப் பின் செய்யப்படுகின்றன.

இந்த அறுவை சிகிச்சையின் பிரதிகூலங்கள்:

  • கதிரியக்க சிகிச்சை நீண்ட நாட்களுக்குத் தேவை.
  • பாதிக்கப்பட்ட மார்பகத்தை வடிவமைக்க நீண்ட காலம் ஆகிறது.
  • புற்று நோய் மீண்டும் தோன்றக்கூடிய அபாயம்.
  • மறுபடி புற்று நோய் கண்டால் கதிரியக்க சிகிச்சை அதிக அளவில் தேவைப்படும். ஏற்கனவே பாதிக்கப்பட்டபடியால் கதிரியக்க சிகிச்சையை தாங்கி கொள்ள இயலாமல் போகலாம்.

எல்லா புற்று நோய்களையும் போலே இந்த புற்று நோயையும் ஆரம்பத்திலேயே கண்டறிந்தால் குணப்படுத்துவது எளிது. ஆனால் இந்தியாவில் பல பெண்களுக்கு இந்த நோயைப் பற்றிய சரியான அறிவோ, விழிப்புணர்வோ இல்லை என்பதுதான் வருத்தத்தை தரும் உண்மை. மேலும் பெண்கள் இந்த நோயைப் பற்றி பேச கூச்சப் படுகிறார்கள். பல பெண்கள் மார்பகப் பரிசோதனைக்கு ஆளாக விரும்புவதில்லை. ஒருவேளை இந்த நோய்க்கு ஆளாகிவிடுவோமோ என்ற பயத்தில் நிறைய பெண்கள் மருத்துவப் பரிசோதனையை தள்ளிப் போடுகிறார்கள். நோய் முற்றிய பின் மருத்துவ உதவியை நாடுகிறார்கள். இதனால் அமெரிக்காவைக் காட்டிலும் நம் நாட்டில்  மார்பகப் புற்று நோயால் பாதிக்கப்படும் பெண்களின் எண்ணிக்கை குறைவாக இருந்தாலும் , இந்த நோயால் இறப்பவர்கள் எண்ணிக்கை நம் நாட்டிலும் அமெரிக்காவிலும் ஒன்றாகவே இருப்பது வேதனைக் குரிய விஷயம்.

எந்த ஒரு பெண்ணும் தன் மார்பகத்தை இழக்க விரும்பமாட்டாள். புற்று நோய் எந்த அளவுக்கு பரவி இருக்கிறது என்பதைப் பொறுத்து சில பெண்களுக்கு ஓவரீஸ் என்று சொல்லும் கருவகத்தை நீக்குகிறார்கள். இதன் பலனாக ஈஸ்ட்ரோஜென் சுரப்பை கட்டுப் படுத்த முடியும்.


published in a2ztamilnadunews.com

ஆலிவ் ஆயில்

ஆலிவ் ஆயில்

அகத்தின் அழகு முகத்தில் தெரியும் என்பார்கள். உள்ளத்தில் நல்ல எண்ணம் இருந்தால் அது நம் முகத்தை பொலிவுறச் செய்யும் என்பது பொருள். நமது உள்ளழகு, வெளியழகு இரண்டுக்கும் ஆலிவ் ஆயில் மிகச் சிறந்தது. ஆலிவ் ஆயிலை சமையலுக்குப் பயன்படுத்துவதால் நமது உடல் உறுப்புகளும் ஆரோக்கியமாக இருக்கும்; அழகு சாதனமாக பயன் படுத்துவதால் வெளி உறுப்புக்களும் பொலிவடையும். ஆக, அகத்தின் அழகு, முகத்தின் அழகு இரண்டுக்கும் ஆலிவ் ஆயில் ஏற்றது என்று சொல்லலாம். அதுமட்டுமில்லாமல், மருந்து தயாரிப்பிலும், சோப் செய்யவும் இந்த ஆயில் பயன்படுத்தப்படுகிறது. பழங் காலங்களில் விளக்கு ஏற்றவும் இந்த எண்ணையை உபயோகித்தனர்.

ஆலிவ் ஆயிலின் பூர்விகம்:

உலகம் முழுவதும் இந்த ஆயில் பயன்படுத்தப்பட்டாலும், மத்திய தரைக் கடல் நாடுகளிலேயே அதிகம் உபயோகப்படுத்தப் படுகிறது.  அங்கு  அதிகமாகக் காணப்படும் ஆலிவ் மரத்திலிருந்து ஆலிவ் ஆயில் தயாரிக்கப்படுகிறது. கிரேக்க கவி ஹோமர் இந்த எண்ணையை “திரவத் தங்கம்” என்று குறிப்பிடுகிறார். வெறும் சமையல் பொருளாக மட்டுமில்லாமல், இந்த எண்ணெய் மருத்துவ குணமுடையதாகவும் மாய மந்திர சக்தி உடையதாகவும் நம்பப் படுகிறது. விளையாட்டு வீரர்கள் தங்கள் உடம்பில் இந்த எண்ணையை தடவிக் கொள்ளுகிறார்கள்; இந்த எண்ணெய் சக்தியையும், ஆரோக்கியத்தையும் கொடுக்கும் உற்சாக ஊற்றாக கருதப்படுகிறது.

ஆலிவ் மரம்:

பல நூறு ஆண்டுகள் வாழும் இம்மரங்களின் வேர்கள் ஆழமாகவும் பரந்து விரிந்து இருப்பதால் தண்ணீர் குறைந்த இடங்களிலும், கடற் பகுதிகளிலும் (நிலத்தடி நீர் மிகுந்த உப்பு நிறைந்ததாக இருந்தபோதிலும்) செழித்து வளருகின்றன. குளிர் காலத்தில் இலைகளை கத்தரித்து விடுகிறார்கள். இதைத் தவிர வேறு எந்த பராமரிப்பும் இந்த ஆலிவ் மரங்களுக்கு தேவை இல்லை. இலையுதிர் காலத்தில் ஆலிவ் பழங்கள் அறுவடைக்குத் தயாராகின்றன. பழங்களை சேகரிப்பதும், அவற்றிலிருந்து எண்ணெய் எடுப்பதும் மிக எளிய முறையில் செய்யப்படுகிறது.

உலகத்தின் 75 சதவிகித ஆலிவ் ஆயில் தயாரிப்பில் முதல் இடத்தை ஸ்பெயின் நாடும், இரண்டாவது இடத்தை இத்தாலி நாடும், மூன்றாவது இடத்தை கிரீஸ் நாடும் பிடித்திருக்கின்றன. இப்போது ஆஸ்திரேலியாவும் கணிசமான அளவு இந்த ஆயிலை தயாரித்து வருகிறது.

ஆலிவ் ஆயில்:

அதிகக் கொழுப்பு, அதிக கலோரி  இருந்தாலும், இந்த எண்ணெய் உடல் ஆரோக்யத்திற்கு மிக நல்லது. இதை பாதுகாப்பதும் எளிது.

நீண்ட நாட்கள் கெடாமல் இருக்கக் கூடியது.

ஆலிவ் ஆயிலின் MUFA (mono unsaturated fatty acid) கெட்ட கொழுப்புகளையும், டிரைகிளிசரைட்ஸ் (triglycerides) ஆகிய வகைகளையும் குறைக்கவல்லது . உயர் இரத்த அழுத்தம், இதய நோய் முதலியவற்றைக் கட்டுப்படுத்த இந்த ஆயில் உதவுகிறது.

1. ஆலிவ் எண்ணெய் சருமத்திற்கும், கேசத்திற்கும்  போஷாக்குஅளிக்கிறது.

2. ஆலிவ் ஆயிலில் மிக உயர்ந்த அளவில் போலிக் ஆசிட் உள்ளது. இது மார்பகப்புற்றுநோயை வராமல் தடுப்பதுடன், மார்பகப்  புற்றுநோய்

இருப்பவர்களுக்கு மருந்தாகவும்  உதவும் என்று கண்டறியப்பட்டுள்ளது.

3. ஆலிவ் ஆயிலில் இருக்கும் திறன் வாய்ந்த  வைட்டமின் A,D,E, K மேலும் பீட்டா கரோட்டேன் மேலும் சில ஆன்டி ஆக்சிடேன்ஸ் கேன்சர் வரமல் தடுக்க உதவுகிறது.

4. சர்க்கரை நோயைக் கட்டுப்பத்தவும், எலும்பு சம்பந்தப்பட்ட நோய்கள் வரவிடாமல் தடுக்கவும் கற்கள் உருவாவதையும் கட்டுப்பத்துகிறது.

ஆலிவ் ஆயிலின் வகைகள்:

எக்ஸ்ட்ரா விர்ஜின்: (extra virgin): அதிகப் பக்குவப்படுத்தப் படாத, (சூடாக்காமல், அமிலங்கள் கலக்காமல்) முதல் தடவை பிழிந்தவுடன் கிடைக்கும்  எண்ணெய். சுத்தமான, இயற்கையான ஆலிவ் வாசனையுடன் இருக்கும் எண்ணெய்.

விர்ஜின்: இரண்டாம் முறை பிழியும்போது கிடைக்கும் எண்ணெய்.

ப்யூர்:  வடிகட்டுதல் மற்றும் சில சுத்திகரிப்புக்கு உட்பட்டது.

எக்ஸ்ட்ரா லைட்: மறுபடி மறுபடி சுத்திகரிக்கப்பட்டும், சிறிது விர்ஜின் ஆயில் சேர்க்கப்பட்டதும் ஆன எண்ணெய் இது. மிக சிறிதளவே ஆலிவ்வின் வாசனை இதில் இருக்கும்.

ஆலிவ் ஆயிலை பாதுகாக்கும் முறைகள்:

அதிக உஷ்ணம், அதிக வெளிச்சம் இரண்டும் இந்த எண்ணைக்கு எதிரிகள். மிக அழகான புட்டிகளில் கிடைப்பதால் மிக கவனத்துடன் பாதுகாப்பது அவசியம். புட்டிகளை அழுத்தி மூடி, அதிக உஷ்ணம், அதிக வெளிச்சம் படாத இடத்தில் வைக்கவும். மற்ற எண்ணெய்களைப் போலவே அதிக சூடு, காற்று இவற்றால் பாதிக்கப்படும் அபாயம் உள்ளது.

ஆலிவ் ஆயிலும் இந்திய சமையல் முறைகளும்:

ஆலிவ் ஆயில் நம் சமையலுக்கு ஏற்றதா? இல்லை என்று சொல்லுபவர்கள் கூறும் காரணங்கள்:

ஆலிவ் ஆயிலின் வாசனை நமக்குப் பிடிக்காத ஒன்று.

நாம் சமையலுக்கு எந்த எண்ணெய் பயன்படுத்தினாலும் முதலில் அதை சூடாக்கிவிட்டுத்தான் பயன்படுத்துவோம். சில சமயங்களில் பச்சை எண்ணையை (இட்லிக்கு மிளகாய் பொடியும், நல்லெண்ணையும்) உபயோகிக்கிறோம். எக்ஸ்ட்ரா விர்ஜின் ஆலிவ் ஆயிலை பச்சையாக பயன்படுத்துவது சிறிது கஷ்டம்.

இந்த எண்ணையில் சமைத்த பொருட்களை சாப்பிட்டவுடன் வயிறு பாரமாக இருப்பதாகச் சொல்லுகிறார்கள்.

இத்தகைய எண்ணங்கள் காரணமாக போமஸ் (pomace) என்ற வகை ஆலிவ் ஆயிலை இந்தியச் சந்தையில் விற்கிறார்கள். இது சுத்தமான ஆலிவ் ஆயில் அல்ல. எக்ஸ்ட்ரா விர்ஜின் ஆலிவ் ஆயிலை எடுத்தபின் இருக்கும் கழிவுகளிலிருந்து எடுக்கப்படும் எண்ணையை சுத்தம் செய்து சாப்பிடும் தரத்தில் தயாரித்து போமஸ் என்று விற்கிறார்கள். இந்த எண்ணையை நாம் இப்போது பயன்படுத்தும் மற்ற எண்ணெய்களைப் போலவே உபயோகிக்கலாம். ஆலிவ் ஆயிலை காய் கறிக் கலவை (vegetable salad) மற்றும் உணவு சமைத்தபின் அதை பரிமாறுவதற்கு முன் அதன் மேல் dressing செய்வதற்கும் பயன்படுத்தலாம். ஆலிவ் ஆயிலை பயன்படுத்துவதால் இந்திய சமையல் முறையே மிக ஆரோக்கியமானதாகிவிட்டது என்றும் சொல்லலாம்.

‘Eat locally, think globally’ என்ற கொள்கை உடையவர்கள் நம்மூர் சூரிய காந்தி எண்ணையையே உபயோகிக்க விரும்புகிறார்கள்.

ஆலிவ் ஆயில் அழகு பராமரிப்பு 

published in a2ztamilnadunews.com

ஆலிவ் ஆயில் – அழகுப் பராமரிப்பு

ஆலிவ் ஆயில் அழகுப் பராமரிப்பு

100 கிராம் (109 ml) ஆலிவ் ஆயிலில் இருக்கும் ஊட்டச்சத்து விவரங்கள்:

100 கிராம் ஆலிவ் ஆயிலிலிருந்து கிடைக்கும் சக்தி: 885 kcal

கொழுப்பு: 100 கிராம்

சாசுரடேட்கொழுப்பு : 14 கிராம்

மோனோ- சாசுரடேட்கொழுப்பு : 75 கிராம்

பாலி – சாசுரடேட்கொழுப்பு: 11 கிராம்

ஒமேகா – 3 < 1.5 கிராம்

ஒமேகா – 6 3.5 – 21 கிராம்

புரத சத்து – 0 கிராம்

வைட்டமின் E – 14 mg (93%)

வைட்டமின் K – 62 மைக்ரோ கிராம் (59%)

ஆலிவ் ஆயிலின் தனித் தன்மை அதன் சுவையும் மணமும் தான். இதன் காரணமாகவே அமெரிக்காவின் பிரதான சமையல் எண்ணையாக ஆலிவ் ஆயில் இருக்கிறது. இந்த எண்ணையில் பல ரகங்கள் இருப்பதால் எந்த எண்ணையை வாங்குவது என்று குழப்பம் வரும். முதலில் என்னென்ன வகைகள் இருக்கின்றன என்று தெரிந்து கொண்டு, எதற்கு உபயோகிக்கப் போகிறீர்கள் என்றும் ( சமையல்/ அழகு) தீர்மானித்துக் கொண்டு பிறகு வாங்குவது நல்லது.

எக்ஸ்ட்ரா விர்ஜின் ஆயில் என்பதுதான் தூய்மையானது; நிஜமாகச் சொல்லவேண்டும் என்றால் இந்த ரகம் ஆலிவ் பழச் சாறு. எந்த விதக் கலப்பும் இல்லாதது. அதனால் அது இயற்கையான ஆலிவ் ருசியுடன் இருக்கும். இதனை சூடாக்காமல் உணவுகளில் பயன்படுத்தினால் இதன் ஊட்டச்சத்து முழுவதும் நமக்குக் கிடைக்கும். காய்கறி சாலட் மேல் ஊற்றலாம்; பரிமாறுவதற்கு முன் செய்யப்படும் அலங்காரத்திற்கு பயன்படுத்தலாம். பொரிப்பதற்கு இந்த எண்ணெய் ஏற்றது இல்லை. அதிக சூட்டில் இந்த எண்ணெய் தன் இயற்கைத் தன்மையை இழந்து விடுகிறது.

ரிபைன்ட் ஆலிவ் ஆயில் என்பது விர்ஜின் ஆயிலின் கலப்பட ரகம். சார்கோல் (மரக்கறி) மற்றும் பல இரசாயனக் கலவைகள் சேர்க்கப்பட்டு வடிகட்டப்பட்டு தயாரிக்கும் ஆயில் இது.

சாதாரணமாக நாம் வாங்கும் ஆலிவ் ஆயில் என்பது ரிபைன்ட் ஆலிவ் ஆயில் மற்றும் விர்ஜின் ஆயில் இரண்டும் சேர்ந்த கலவை.

நீங்கள் ஆரோக்கியத்திற்காக ஆலிவ் ஆயிலை வாங்க விரும்பினால் எக்ஸ்ட்ரா விர்ஜின் ஆயில் தான் சிறந்த தேர்வு. ஒரு விஷயம்: இந்த ஆயிலின் கசப்பு சுவை உங்களுக்குப் பிடித்திருக்க வேண்டும். சமீபத்தில் தயார் செய்யப்பட்டதா என்று பாட்டிலின் மேல் உள்ள லேபிளைப் பார்த்து வாங்கவும்.

சருமப் பாதுகாப்பும் பராமரிப்பும் :

சருமப் பாதுகாப்பிற்காக பயன்படுத்த விரும்பினால் அதற்கும் எக்ஸ்ட்ரா விர்ஜின் ஆயில் தான் சிறந்தது. ஏனென்றால் அது ரசாயனக் கலப்படம் இல்லாதது. சருமத்திற்கும் நல்லது. குளிக்கும் போது தண்ணீரில் ஆலிவ் ஆயிலுடன் சில துளி லாவண்டர் எசென்ஷியல் ஆயிலையும் சேர்த்து குளிக்கலாம்.

கடும் கோடையில் வெய்யலினால் சருமம் வறண்டு, கறுத்துக் காணப்படும். ஆலிவ் ஆயில் உங்கள் சருமத்தை எல்லாவிதத்திலும் பாதுகாக்கும். ஆலிவ் ஆயிலைத் தேய்த்துக் குளிப்பதால் சருமம் வழவழப்பாகவும், மேல் தோல் பளபளப்பாகவும் எண்ணைப் பசையுடனும் பொலிவாக காட்சி அளிக்கும். சோப் கண்டுபிடிப்பதற்கு முன்பே பல ஆயிரம் வருடங்களுக்கு முன் எகிப்தியர்கள் ஆலிவ் ஆயிலை தேய்த்துக் குளிப்பதை வழக்கமாகக் கொண்டிருந்தனர். ஆலிவ் ஆயிலுடன் சோடா ஆஷ் கலந்து உருவானதது தான் முதல் ஆலிவ் சோப்.

நம் உடம்பில் தினம் தினம் புது செல்கள் உருவாகி பழைய செல்கள் உதிருகின்றன. சிறிது சர்க்கரையும் ஆலிவ் ஆயிலும் கலந்து முகத்தில் தேய்த்தால் மிகுதியான இறந்த செல்கள் உதிர்ந்து முகம் பளபளப்பாகும். உடலின் மற்ற பகுதியில் ஆலிவ் ஆயிலும் கடல் உப்பும் கலந்து தேய்க்கலாம்.

இப்படிச் செய்தபின் வெறும் ஆலிவ் ஆயிலை அல்லது நீங்கள் வழக்கமாக உபயோகிக்கும் லோஷனுடன் ஆலிவ் ஆயிலைச் சேர்த்து முகத்திலும் உடலிலும் தடவினால் மேனி மெருகு ஏறும். நம் உடலில் இயற்கையாக சுரக்கும் சீபம் என்ற எண்ணைபசையைப் போலவே இருப்பதால் ஆலிவ் ஆயில் நம் உடலால் சுலபமாக உறிஞ்சப் படுகிறது. சருமத் துளைகளை அடைத்துக் கொள்ளுவதில்லை. சருமத்தின் எண்ணைப் பசையைப் பாதுகாப்பதுடன் வறண்டு விடாமல் பாதுகாக்கிறது. மனித சருமத்திற்கு மிக உகந்ததாகவும் செயல் படுகிறது.

கூந்தலுக்கு ஆலிவ் ஆயிலை உபயோகிப்பதால் கூந்தல் வலுவானதாகவும், அடர்த்தியாவதுடன் கூந்தல் செழுமையாகவும் காட்சி தரும். ஆலிவ் ஆயில் உங்கள் கூந்தலுக்கு டீப் கண்டிஷனராகவும், பொடுகுத் தொல்லை தீரவும் உதவும்.

உபயோகிக்கும் முறை:

முதலில் ஷாம்பூ போட்டுக் கூந்தலை நன்றாக அலசவும். பின் ஆலிவ் ஆயில் மற்றும் தண்ணீர் சம அளவு எடுத்துக்கொண்டு கூந்தலிலும் மயிர்கால்களிலும் மசாஜ் செய்யவும். ஐந்து நிமிடங்கள் கழித்து மறுபடி ஷாம்பூ போட்டுக் கூந்தலை கழுவவும்.

ஆலிவ் ஆயில் கண்களுக்கு:

கண்களுக்குப் போடும் மேக்கப்பை அகற்ற ஆலிவ் ஆயிலை பயன்படுத்தலாம். சிறிய அளவு பஞ்சு எடுத்து அதில் ஆலிவ் ஆயிலை சில துளிகள் விட்டு மிருதுவாக நிதானமாக கண்களைச் சுற்றி துடைத்து மேக்கப்பை அகற்றுங்கள். தொடர்ந்து பயன்படுத்தும்போது கண்களைச் சுற்றியுள்ள கருவளையங்களும், சுருக்கங்களும் மறையும். கண்களும் புத்துணர்வு பெறுகின்றன.

விரல் நகங்கள் பராமரிப்பு:

உங்கள் விரல் நகங்களும் சுற்றியுள்ள சருமமும் வறண்டு காணப்படுகின்றனவா? சில துளி ஆலிவ் ஆயிலை நகங்களைச் சுற்றித் தடவுங்கள். நகங்களும் நகத்தைச் சுற்றியுள்ள பகுதியும் செழிப்பாகவும் பளபளப்பாகவும் மாறும்.

கால் பராமரிப்பிற்கு ஆலிவ் ஆயில் :

அழகு பராமரிப்பு நிலையங்களுக்குப் போகாமல் வீட்டிலே இதோ ஒரு எளிய பெடிக்யூர்:

3 டேபிள் ஸ்பூன் ஆலிவ் ஆயில், 3 டேபிள் ஸ்பூன் தேன், 1 டேபிள் ஸ்பூன் பிரவுன் ஷுகர், ஒரு சில துளிகள் எலுமிச்சை சாறு இவற்றைக் கலந்து கொள்ளவும். முதலில் காலை நன்றாகக் கழுவி சுத்தமான துணியினால் ஒத்தி ஈரப் பசை இல்லாமல் துடைக்கவும். பிறகு மேற் சொன்ன கலவையை பூசி சிறிது நேரம் மசாஜ் செய்யவும். குளிர்ந்த நீரை விட்டுக் காலைக் கழுவவும். மறுபடியும் ஆலிவ் ஆயிலை பூசவும். உங்கள் காலா என்று ஆச்சரியப் படுவீர்கள்.

குழந்தை பிறந்தபின் வயிற்றில் ஏற்படும் சுருக்கங்களைப் போக்க:

சம அளவு ஆலிவ் ஆயில், கோகோ பட்டர் (cocoa butter) எடுத்துக் கொண்டு நன்றாக கலந்து சுருக்கம் இருக்குமிடத்தில் தினமும் தடவவும்.

இன்னொரு விதம் :

1/2 கப் எக்ஸ்ட்ரா விர்ஜின் ஆயில்

1/2 கப் ஆலோ வெரா (சோற்றுக் கற்றாழை) ஜெல்

4 வைட்டமின் ‘இ’ ஆயில் காப்ஸ்யூல் (காப்ச்யூலைத் திறந்து கொள்ளவும்)

6 வைட்டமின் ‘எ’ ஆயில் காப்ஸ்யூல் ( காப்ச்யூலைத் திறந்து கொள்ளவும்)

மேற் சொன்னவற்றை எல்லாம் கலந்து பிரிட்ஜ்ஜில் வைக்கவும்.

சுருக்கங்களின் மீது பூசுவதற்கு முன் இந்தக் கலவையை சற்று சூடாக்கிவிட்டு பூசவும். இதை தினசரி செய்து வந்தால் சுருக்கங்கள் மறையும்.

ஆலிவ் ஆயில்


சருமப் பாதுகாப்புக்கு சில எண்ணெய்கள்

published in a2ztamilnadunews.com

பசுமை நிறைந்த நாட்கள்!

பசுமை நிறைந்த நாட்கள்!

நாங்கள் சிறுவர்களாக  இருந்த போது எங்கள் பாட்டி சொல்லுவார்: “எங்கள் காலத்தில் தங்கம் பவுன் 30 ரூபாய் தான்!”
உடனே நாங்கள் கேட்போம்:”அப்பவே நீங்கள் நிறைய தங்கம் வாங்கி சேர்த்திருக்கவேண்டும்; இப்போது பாருங்கள் ஒரு பவுன் 2000 ரூபாய் ….. ” பாட்டியின் பதில் என்ன தெரியுமா? “உங்கள் தாத்தாவுக்கு சம்பளமே 20 ரூபாய் தானே…….!?”
இளைய தலைமுறை எப்பவுமே முதிய தலைமுறையைக் குறை சொல்லும். இந்த வழக்கம் இப்போதும் தொடர்கிறது. இதோ ஒரு சின்ன கதை: எப்போதோ படித்தது, உங்களுடன் பகிர்ந்து கொள்ளுகிறேன்.
ஒரு மூதாட்டி ஒரு கடைக்குச் சென்று சில பொருட்கள் வாங்குகிறார். வாங்கிய சாமான்களைப் போட பை கேட்கிறார். இளம் வயது
விற்பனையாளர் சொல்லுகிறார்: “பாட்டி!, பிளாஸ்டிக் பை இப்போது பயன் படுத்தக் கூடாது. சுற்றுச் சூழல் பாழாகிவிடும். நீங்கள் உங்களது ஷாப்பிங் பை கொண்டு வரவேண்டும்…! recycle, reuse and reduce இதெல்லாம் தெரியுமா பாட்டி உங்களுக்கு?”
பாட்டி சொல்லுகிறார்: “ஓ! அப்படியா? எங்கள் காலத்தில் இதெல்லாம் கிடையாதுப்பா…!”
“அதனால் தான் இப்போது நாங்கள் கஷ்டப் படுகிறோம்……. உங்கள் காலத்தில் சுற்றுச் சூழலை பாதுகாத்திருந்தால் இந்நிலை வந்திருக்குமா?”
நிதானமாக இளம் விற்பனையாளரைப் பார்த்து சொன்னார் பாட்டி:
 “நிஜம்தான் உங்களை மாதிரி சுற்றுச் சூழல் பற்றிய தனியான அறிவு எங்களுக்கு இல்லை. ஏனென்றால் நாங்கள் இயற்கையுடன் இயைந்த வாழ்க்கை வாழ்ந்தோம்….”
  • அந்தக் காலத்தில் பால் எங்களுக்கு பாட்டிலில் வந்தது; பாட்டிலைத் திருப்பிக் கொடுத்துவிடுவோம்; பால் பண்ணைக்கு பாட்டில்கள் அனுப்பப் பட்டு சுத்தப் படுத்தப் பட்டு பால் நிரப்பி வரும். இப்போது recycle என்று சொல்லுகிறீர்களே, அதை நாங்கள் சொல்லாமல் செய்து கொண்டு இருந்தோம்….
  • எழுதும்  பேனாக்களுக்கு மையை நிரப்பிப் பயன் படுத்தினோம்; ஒவ்வொரு முறையும் நாங்கள் புது பேனா வாங்கியதில்லை;
  • சவரம் செய்யும் ரேசரின் பிளேடுகளை மட்டும் மாற்றினோம். பிளேடு மழுங்கி விட்டது என்று ரேசரையே தூக்கிப் போடவில்லை; நீங்கள் சொல்லும் reduce இதுதானே?
  • கடைகளிலும் அலுவலகத்திலும் மாடிப் படிகளில் ஏறி இறங்கினோம். எங்கள் காலத்து கடைகளிலோ அலுவலகத்திலோ நகரும் படிக்கட்டுகளோ, லிப்ட் களோ இல்லை. பக்கத்தில் இருக்கும் கடைகளுக்குச் செல்ல வாகனங்களை நம்பியிருக்கவில்லை. எங்கள் கால்களை நம்பினோம்; எங்கள் உடல் வலுப் பட்டது.
  • குழந்தைகளின் உள்ளாடைகள் துணிகளால் தைக்கப் பட்டவை. தினமும் துவைத்து உலர்த்தி பயன் படுத்தினோம்; குழந்தைகளின் உள்ளாடைகளை தூக்கிப் போடவில்லை;
  • நாங்கள் உடுத்தும் ஆடைகளை நாங்களே துவைத்தோம்; துவைத்த துணிகளை உலர்த்த சூரிய ஒளியையும், காற்றையும் நம்பினோம். மின்சாரத்தை விழுங்கும் இயந்திரங்கள் எங்களிடம் இல்லை.
  • எங்கள் அக்கா, அண்ணன் போட்டிருந்த உடைகளை பெருமையாக நாங்கள் அணிந்துகொண்டோம்;  reuse! பிறந்த நாளைக்கு என்று வருடம் ஒரு முறை புதுத் துணிகள் வாங்குவோம்.
  • அந்தக் காலத்தில் எங்கள் வீட்டில் ஒரு டீவீ , ஒரு வானொலி தான் இருந்தது. இப்போது போல ஒவ்வொரு அறையிலும் ஒரு டீவீ கிடையாது. டீவீ யின் திரை சின்னதுதான். உங்களிடம் இருப்பது போல மெகா சைஸ் இல்லை.
  • சமையலில் அரைப்பது, கலப்பது எல்லாமே கையில்தான். எங்களிடம் மிக்ஸி இல்லையே!
  • ஒரு ஊரிலிருந்து இன்னொரு ஊருக்கு சாமான்களை பழைய பேப்பர்களில் சுற்றி அனுப்பினோம்; அப்போது பிளாஸ்டிக் பப்பிள் ராப்பர்கள் இல்லை.
  • தோட்டத்தில் இருக்கும் புற்களை கைகளால் இயங்கும் இயந்திரத்தால் வெட்டினோம். பெட்ரோல் பயன்படுத்தி இயங்கும் புல்வெட்டி அப்போது இல்லை.
  • போதுமான உடல் உழைப்பு இருந்ததால் உடற்பயிற்சி கூடங்களுக்கு செல்ல வேண்டிய அவசியம்  எங்களுக்கு இல்லை. உடற் பயிற்சி எங்கள் வாழ்வின் அங்கமாக இருந்தது.
  • தண்ணீர் என்பது இலவசப் பொருளாக இருந்தது. பிளாஸ்டிக் பாட்டிலில் அடைத்து விலைக்குக் கிடைக்கும் பொருளாக மாறவில்லை எங்கள் காலத்தில்.
  • அந்தந்த பருவங்களில் கிடைக்கும் உணவுப் பொருட்களை தான் சாப்பிட்டோம். வெளிநாட்டு உணவுகள் எங்களுக்கு பழக்கமில்லை; எங்கள் ஆரோக்கியத்திற்கு இதுவும் ஒரு காரணம்.
  • இயற்கையில் விளைந்த பொருட்களை வாங்கி வீட்டிலேயே சமையல் செய்து சாப்பிட்டோம்; டின்களில் அடைத்த பொருட்கள் எங்களுக்கு அறிமுகமில்லாதது. கறிகாய்களை நாங்களே கழுவி நாங்களே நறுக்கி உபயோகப் படுத்தினோம்.
  • வெளியிலோ அலுவலகங்களுக்கோ செல்ல டிராம் அல்லது பேருந்துகள் தான் அந்தக் காலத்தில்; குழந்தைகள் சைக்கிள்களில் பள்ளிக்குச் சென்றனர். மாசற்ற இயற்கை சூழலில் வாழ்ந்தோம்; அதனால் சுற்றுச் சூழலை விசேஷமாக கவனிக்க வேண்டிய அவசியம் இருக்கவில்லை;
  • மின்சாரத்தை குறைந்த அளவில் மட்டுமே பயன்படுத்தினோம்; வீடு முழுவதும் மின்சாரக் கம்பிகள், இணைப்புக்கள் கிடையாது.
  • ஓரிடத்திற்கு செல்ல வழி தெரியவில்லையா? வாயில் இருக்குது வழி என்று பிறரைக் கேட்டு கேட்டு சென்றோம்; உங்களைப் போல கையில் ஒரு இயந்திரத்தை வைத்துக் கொண்டு பக்கத்தில் இருக்கும் இடத்தை படத்தில் தேடவில்லை;
  • சமைத்தவுடன் சாப்பிட்டோம்; உணவுகளை மறுபடி சூடாக்க இயந்திரம் தேவை படவில்லை;
  • மனிதர்களுடன் அதிக நேரம் செலவிட்டோம்; இயந்திரங்களுடன் அல்ல;
பட பட வென்று சொல்லிவிட்டு ‘போதுமா? இன்னும் கொஞ்சம் வேணுமா? என்பது போல பார்த்தார் பாட்டி.
விற்பனையாளர் பதில் பேசாமல் பாட்டி வாங்கிய சாமான்களை ஒரு பெரிய பிளாஸ்டிக் பையில் போட்டு விட்டு,” பாட்டி, இந்தப் பைக்கு இரண்டு ரூபாய் தனியாகக் கொடுக்க வேண்டும்….”
“ஓ! இரண்டு ரூபாயில் சுற்றுச் சூழலை சரி படுத்தி விடுவீர்களா?” என்று கேட்டு விட்டு நடையைக் கட்டினார் பாட்டி!
published in ooooor.com